بعدما اقتحم صيدلية بقوة السلاح… هذا ما حلّ به! أعلن الجيش اللبناني، اليوم الثلاثاء، عن توقيف مواطن في منطقة الميناء-…
متفرقاتالـAI اقتحم المطاعم… تارتار ديناصور بـ50$!
الـAI اقتحم المطاعم… تارتار ديناصور بـ50$!
تابع HOSTNEWS على تيليغرام
احصل على آخر الأخبار فور حدوثها.
كيفكن إنتو والأكلات الغريبة؟…. لأنو في مطعم إسمو “ووهو” بدبي، بقدّم قائمة طعام غريبة عجيبة من تارتار الديناصور لزبدة الطحالب البحرية… بس المفاجأة بالموضوع، إنو هالأطباق مش من إبتكار شيف بشري، بل من أول شيف ذكاء اصطناعي بالعالم، والمعروف بإسم الشيف أيمن.
ورغم إنو الشيف الإفتراضي ما بحضّر الطعام فعليًّا داخل المطبخ، إلا إنو إدارة المطعم أكدت إنو كل طبق بقائمتا، صُمّم بحسب تخطيطو المعتمد على الذكاء الإصطناعي، وتحليل تركيبات النكهات، والكيمياء الغذائية، وتفضيلات الزبائن.
وأكتر الأطباق إثارة للجدل، هو طبق “تارتار الديناصور”، يلي بيهدف وبحسب المطعم، لإعادة إبتكار مذاق الزواحف المنقرضة.
وبيبلغ سعر الوجبة نحو 50 دولار، وبيتقدّم على طبق بيتحرّك بطريقة بتوحي بإنو عم يتنفس… ورغم الإسم اللافت، إلا إنو المطعم ما كشف عن مكوّنات الوصفة بالكامل، بس أكد احتواءها على لحم البط.
وأعلنت إدارة المطعم، إنو الذكاء الاصطناعي المستخدم، خضع لتدريب مكثّف على آلاف الوصفات، وعقود من أبحاث الطهي والمذاق والمطابخ الجزيئية.
فمعقول الشيف أيمن يتفوّق على طبخ الإنسان… ويصير يومًا ما غوردن رامزي الجديد، بس بنسختو الذكية؟.
https://www.instagram.com/marilyneatayek/reel/DSSj7HejT4n
